Në Mitrovicë arrestohet një i dyshuar për substancë narkotike
Policia e Kosovës ka arrestuar mbrëmë një person të dyshuar në Mitrovicën e Jugut për “posedim i paautorizuar i substancave narkotike”.
Në njoftimin e Policisë bëhet e ditur se arrestimi i të dyshuarit është realizuar në Mitrovicë, në kohën kur zyrtarët policorë kanë ndaluar për kontroll rutinë automjetin me targa vendore të cilën e drejtonte i dyshuari, me ç’ rast gjatë kontrollit të detajuar tek i dyshuari janë gjetur dhe sekuestruar dy qese të vogla substancë e dyshuar narkotike dhe një mulli për bluarjen e substancave.
“Në cilësi të dyshuarit është arrestuar D. A.,24 vjeçar, shtetas të Republikës së Kosovës. Ndërsa pas procedurave intervistuese me urdhër të prokurorit të rastit i dyshuari është liruar në procedurë të rregullt”, bëhet e ditur tutje në njoftimi e Policisë.
Ndaj tij është iniciuar rast për veprën penale “Posedimi i paautorizuari i substancave narkotike”./21Media
Dëshiron ta dëgjosh këtë lajm me zë?