“Ne po mbrojmë atdheun tonë” – në vijën e frontit në Ukrainën lindore
Në një llogore me baltë në vijën e frontit në Zolote, në Ukrainën lindore, trupat thanë se kjo ishte vetëm një ditë tjetër në një luftë të gjatë.
Ata kanë luftuar kundër separatistëve të mbështetur nga Kremlini që nga viti 2014. Ata thanë se urdhrat e tyre nuk ndryshuan që kur presidenti Vladimir Putin njohu dy enklavat separatiste si republika të pavarura.
Lëvizja e tij mund të lajmërojë ardhjen e trupave ruse në vijën e frontit – të dërguar si “paqeruajtës” për të mbrojtur civilët në zonat e shkëputura, shkruan BBC, përcjell rtv21.tv
Ukrainasit thanë se tashmë prej vitesh ka pasur një prani ushtarake ruse në vijën e frontit. Ndryshimi i tyre është vetëm se tani do të ishte zyrtare.
“Nëse rusët vijnë, ata nuk do të jenë të motivuar si ne,” na tha një ushtar. “Ne po mbrojmë atdheun tonë, kështu që do të qëndrojmë në këmbë. Dhe nuk do të jetë si viti 2014 (kur Moska aneksoi Gadishullin e Krimesë). Tani kemi një ushtri të fortë.”
Frika është se situata në vijën e frontit mund të përshkallëzohet./21Media
Dëshiron ta dëgjosh këtë lajm me zë?