Në Shkup plagoset një shtetas i Maltës! Katër persona e kanë sulmuar dhe i kanë marrë paratë

Ministria e Punëve të Brendshme(MPB) ka njoftuar se dje, pak para mesnatës, një shtetas i Maltës është therrur me mjet të mprehtë dhe më pas është grabitur, përcjell TV21.
Shtetasi i Maltës është sulmuar nga ana e katër personave në Banjën e Katllanovës në Shkup.
“Me datë 06.05.2022, në ora 23:15 në SPB Shkup, M.K.(31) nga Malta, me banim në Shkup, ka raportuar se rreth orës 22:30 në afërsi të Banjës së Katllanovës, katër persona e kanë sulmuar me mjet të mprehtë, e kanë plagosur dhe i kanë marrë para”, njoftojnë nga MPB e Maqedonisë së Veriut./21Media