Nëna hedh foshnjën 11 muajshe në lumë

Një grua është arrestuar në Greqi pasi vajza e saj 11-muajshe u gjet e vdekur në një digë.
E dyshuara 29-vjeçare, do të dalë para një prokurori publik më vonë të hënën për t’u përballur me akuzat për vrasje. Shpëtimtarët gjetën trupin e foshnjës në digën Aliakmonas, rreth 500 kilometra në veri të Athinës.
Policia tha se e dyshuara kishte marrë trajtim psikiatrik në një spital publik në të kaluarën dhe se zhdukja e vajzës ishte raportuar nga të afërmit.
Gruaja, e cila jeton me nënën dhe gjyshin e saj në një fshat pranë qytetit verior të Veroias, u pa për herë të fundit me fëmijën e saj në natën e Vitit të Ri dhe u largua nga shtëpia pasi thirri një taksi.
Ajo i tha policisë gjatë marrjes në pyetje se e kishte lënë vajzën e saj në zonën e shikimit të digës, 18 kilometra nga shtëpia e saj./21Media