Nënshkruhet marrëveshja për heqjen e romingut në Ballkanin Perëndimor
Pjesë e kësaj marrëveshjeje është edhe Kosova
Në Samitin e dytë Digjital, që po zhvillon punimet në Beograd të Serbisë, është nënshkruar marrëveshja për heqjen e çmimeve të shërbimit të romingut ndërmjet vendeve të Ballkanit Perëndimor.
Pjesë e kësaj marrëveshjeje është edhe Kosova. Në Beograd, po merr pjesë një delegacion, që po kryesohet nga ministri i Zhvillimit Ekonomik të Kosovës, Valdrin Lluka, i cili e ka nënshkruar këtë pakt.
Breaking: New page in the history of the Western Balkans. Roaming free and price reduction agreement signed by the ministers of 6 countries including @DigitalSummitWB #DSWB in Belgrade pic.twitter.com/sTKIabt1to
— ICKosovo (@ICKosovo) April 4, 2019
Tarifa e romingut nënkupton telekomunikimin dhe shërbimin që qytetarët e një shteti përdorin në një shtet tjetër. Këto tarifa, zakonisht janë dyfish më të larta sesa ato që përdoren për telekomunikimin brenda një shteti.
Marrëveshja e romingut pritet të zbatohet në tërësi në korrikun e vitit 2021, kurse reduktimet në uljen e tarifave pritet të nisin nga 1 korriku i këtij viti.