Nëntë të vdekur nga të shtënat në supermarketin në New York
Të paktën shtatë persona u vranë nga të shtënat në një supermarket në shtetin e New Yorkut, raportojnë mediat amerikane.
Policia është në vendin e ngjarjes në qytetin e Buffalo dhe deklaroi se një i dyshuar u arrestua.
Oficerët besojnë se personi i armatosur hyri në supermarket të shtunën pasdite përpara se të hapte zjarr me një pushkë, sipas Associated Press.
Disa persona u qëlluan në incident, tha policia, pa dhënë detaje të mëtejshme.
Por, zyrtarë të paidentifikuar të zbatimit të ligjit thanë për mediat amerikane, përfshirë NBC News, se të paktën nëntë persona u vranë.
Policia pritet të japë detaje në një konferencë shtypi më vonë, të shtunën.
Buffalo News, ndërkohë, raportoi se i dyshuari mbante një aparat fotografik dhe parzmore. Ai tha se policia po heton nëse i dyshuari e transmetoi drejtpërdrejt sulmin.
Guvernatorja e New Yorkut, Kathy Hochul tha se po monitoronte situatën dhe u kërkoi banorëve të shmangnin zonën./21Media
Dëshiron ta dëgjosh këtë lajm me zë?