Netanyahu shpërndan fjalimin e Osmanit për hebrenjtë në Kosovë

 

Kryeministri izraelit, Benjamin Netanyahu sot e ka shpërndarë në profilet e tij sociale videon ku kryeparlamentarja e Kosovës, Vjosa Osmani, flet për hebrenjtë.

Videoja e Osmanit është xhiruar pranë pllakës përkujtimore për hebrenjtë që humbën jetën gjatë Luftës së Dytë Botërore.

Netanyahu e ka quajtur prekës fjalimin e Osmanit.

“Një mesazh prekës nga Dr. Vjosa Osmani, Kryetare e Parlamentit të Kosovës, kombi i parë me shumicë myslimane që do të hap Ambasadë në Jerusalem”, ka shkruar Netanyahu.

Në fjalimin e saj Osmani ka shprehur falënderimin për njohjen nga Izraeli. Ajo ka folur se si për më tepër se shtatë dekada më parë shqiptarët në Kosovë kanë hapur zemrën dhe shtëpitë e tyre për qytetarët hebrenj për t’i shpëtuar nga shfarosja./21Media

Back to top button