Ministrja e Punëve të Jashtme dhe Diasporës Meliza Haradinaj – Stublla pret nesër në Aeroportin Ndërkombëtar “Adem Jashari” homologun e saj grek, Ministrin e Jashtëm Nikos Dendias. (Aeroporti Ndërkombëtar “Adem Jashari”, ora 8:40)

Kryeministri Avdullah Hoti pret në takim ministrin e Punëve të Jashtme të Greqisë, Nikos Dendias. Mediet mund të marrin pamje. (Ndërtesa e Qeverisë, ora 9:30)

Drejtori i ATK-së, Ilir Murtezaj, dhe drejtori i Odës Ekonomike Amerikane, Arian Zeka, vizitojnë kompaninë “Proton Cable”, me qëllim që të informohen nga afër me vështirësitë shkaku i pandemisë. (Prizren, ora 10:00)

Ministrja e Jashtme Haradinaj – Stublla pret në takim zyrtar Ministrin e Jashtëm grek Dendias, në objektin e Ministrisë së Punëve të Jashtme dhe Diasporës. (Objekti i MPJD, ora 11:00)

Komisioni hetimor parlamentar lidhur me procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës shqyrton Draftin e Planit të Veprimit dhe Draftin e Planit të Buxhetit. (Ndërtesa e Kuvendit, salla N302, 11:00)

Kryeministri Avdullah Hoti raporton për punën 100-ditëshe të Qeverisë së Kosovës. (Kuvendi i Kosovës, 11:00)

Komuna e Gjakovës fillojnë disa projekte, në të cilat merr pjesë kryetari Ardian Gjini.

Kjo është agjenda:

-Fillojnë punimet për ndërtimin e çerdhes së re në komunën e Gjakovës, e cila ndodhet pranë çerdhes “Ganimete Terbeshi” në Bllok te Ri. (Ora 11:00)

-Fillojnë punimet për ndërtimin e sallës së edukatës fizike në shkollën “Kadri Kusari”. (Ora 12:00)

-Fillojnë punimet për Galerinë në Pallat të Kulturës “Asim Vokshi”. (Ora 12:30)

-Në fshatin Brovinë nisin punimet për ndërtimin e rrugës së re. (13:30)

Njoftohet publiku i interesuar se më datën 09.10.2020 në ora 11:30

Organizohet debat publik nga Ministria e Infrastrukturës, në bashkëpunim me Ministrinë e Ekonomisë dhe Ambientit për Raportin e Vlerësimit të Ndikimit në Mjedis për ndërtimin e pjesës “E” të autoudhës Prishtinë-Merdare. (Në objektin e Komunës së Podujevës, ora 11:30)

Drejtori i ATK-së, Ilir Murtezaj, dhe drejtori i Odës Ekonomike Amerikane, Arian Zeka, vizitojnë kompaninë “Frutex”, me qëllim që të informohen nga afër me vështirësitë shkaku i pandemisë. (Suharekë, 12:00)

Ministria e Shëndetësisë dhe Qendra Kosovare për Luftimin e Kancerit të Gjirit “Jeta/Vita” organizojnë një diskutim kushtuar Muajit të Ndërgjegjësimit për kancerin e gjirit. Marrin pjesë dhe ministri i Shëndetësisë, Armend Zemaj; ish-presidentja Atifete Jahjaga etj. (Ministria e Shëndetësisë, 12:00)

Drejtori i ATK-së, Ilir Murtezaj, dhe drejtori i Odës Ekonomike Amerikane, Arian Zeka, do të vizitojnë kompaninë “Ontexi”, me qëllim që të informohen nga afër me vështirësitë shkaku i pandemisë. (Prishtinë, ora:12)

Klubi letrar De Rada nga Ferizaj organizon edicionin e dytë të Panairit të librit Ferizaj 2020. (Sheshi i komunës “Adem Jashari” në Ferizaj, ora 13:00)