Një burrë vrau katër fëmijë në një çerdhe në Brazil

Të paktën katër fëmijë janë vrarë nga një burrë në një kopsht fëmijësh në qytetin Blumenau në Brazil.

Katër fëmijë të tjerë u plagosën nga 25-vjeçari që hyri në çerdhe rreth orës 09:00 të mërkurën.

Zyrtarët e spitalit thanë se të plagosurit ishin të gjithë nën moshën tre vjeç.

Policia tha për mediat lokale se sulmuesi ishte dorëzuar dhe se ai ishte arrestuar nga policia.

Guvernatori i shtetit Santa Catarina – ku ndodhet Blumenau – ka shpallur tre ditë zie.

Presidenti Luiz Inácio Lula da Silva shkroi në Twitter se “nuk ka dhimbje më të madhe se ajo e një familjeje që humbet fëmijët apo nipërit e saj, aq më tepër kur është përmes një akti dhune ndaj fëmijëve të pafajshëm që nuk mund të mbrohen”.

Nuk është hera e parë që një kopsht fëmijësh në këtë shtet është shënjestër e një sulmi. Në vitin 2021, një 18-vjeçar vrau dy anëtarë të stafit dhe tre fëmijë të vegjël në një çerdhe në komunën e Saudades./21Media