​Një ndeshje e Serie-A pritet të zhvillohet në Australi

Federata Italiane e Futbollit (FIGC) tha të enjten se i kishte dhënë leje AC Milanit që të zhvillojë ndeshjen e Serie A kundër Comos në Perth të Australisë për sezonin e ardhshëm.

Ndeshja do të zhvillohet me ceremoninë e hapjes së Lojërave Olimpike Dimërore 2026, të cilat do të zhvillohen në stadiumin San Siro të Milanos më 6 shkurt .

“Këshilli federal i FIGC-së i është përgjigjur pozitivisht kërkesës së ligës italiane që ndeshja AC Milan-Como të zhvillohet në Perth ”, tha FIGC në një deklaratë.

“Tani duhet të ketë një dritë jeshile zyrtare nga shoqata australiane, UEFA, Konfederata Aziatike e Futbollit dhe FIFA “, shtoi ajo.

Nëse jepen lejet përkatëse, kjo do të shënojë herën e parë që një ndeshje e Serie A luhet jashtë Italisë.

Sezoni i ri i Serie A fillon në fundjavën e 22-24 gushtit.