Një person nga Vushtrria gjen dhe dorëzon kuletën në Polici, kërkohet pronari
Në Stacionin Policor Vushtrri dje është paraqitur një qytetar i cili ka njoftuar policinë se kishte gjetur një kuletë (çantë e vogël) në sheshin ,,Hasan Prishtina” në Vushtrri.
Në prezencën e qytetarit, policia ka hapur kuletën dhe ka konstatuar se në atë kuletë kishte një sasi e të hollave, mirëpo nuk kishte asnjë dokumentacion të asnjë personi.
Policia ka njoftuar se me gjithë përpjekjen për identifikimin e pronarit të kuletës në lokacionin ku ishte gjetur ajo, deri në këto momente nuk është arritur një gjë e tillë.
“Policia lëshon këtë informacion që pronari i cili ka humbur kuletën të lajmërohet në Stacionin Policor Vushtrri apo të kontaktoj Policinë në numrin 192”, thuhet në njoftimin ePolicisë./21Media