“Nuk lejojmë të përdoremi politikisht”, protestuan Njësia Speciale Intervenuese e Policisë
(Lajm i përditësuar)
“Nuk lejojmë të përdoremi politikisht” , protestuan Njësisa Speciale Intervenuese e Policisë
Është mbyllur protesta e Njësisë Speciale Intervenuese (NJSI).
Një nga pjesëtarët e kësaj njësie ka deklaruar para mediave se nuk lejojnë të përdoren politikisht nga politika.
Në emër të grupit protestues, ai tha se kërkojnë rishikimin e vendimit për shtesat e rrezikshmërisë për këtë kategori.
Po ashtu, bëri të ditur se nuk do të ndalen së kundërshtuari dhe se do të ndërmarrin edhe masa të tjera.
Njësia Speciale Intervenuese e Policisë së Kosovës nisin protestën para Qeverisë
Pjesëtarë të Njësisë Speciale Intervenuese e Policisë së Kosovës kanë nisur të mblidhen para Qeverisë në protestën e paralajmëruar ditë më parë.
Ata po protestojnë për të shprehur pakënaqësitë e tyre rreth vendimit për shtesat e policëve, që u mor gjatë mbledhjes së qeverisë të premten.
Qeveria e Kosovës ka vendosur që shtatë kategori të pozitave në Policinë e Kosovës me pagat e nëntorit t’i marrin edhe shtesat, të cilat sillen nga 45 deri në 150 euro dhe që pritet të merren në mënyrë retroaktive edhe për muajt që nga miratimi i Ligjit të pagave.
Sipas propozimit të Qeverisë, lartësia e shtesave do të jetë e ndryshme për 7 kategori, dhe do të sillen nga 45 deri në 150 euro./21Media