OFK: Ndryshimi i legjislacionit mundëson rikthimin e normalitetit në sektorin farmaceutik

Oda e Farmacistëve të Kosovës, sonte ka reaguar pas një aksioni të Doganës së Kosovës në dy barnatore në Prishtinë, nën dyshimin për kontrabandë me barna.
OFK nuk arsyeton asnjë person për veprimtari jo të ligjshme.
“Ne si OFK kërkojmë urgjentisht ndryshimin e legjislacionit farmaceutik i cili do të mundësonte rikthimin e normalitetit në sektorin farmaceutik”, është bërë e ditur në reagim.
Dogana e Kosovës ka zhvilluar dy aksione në barnatore në Prishtinë, nën dyshimin për kontrabandë me barna. Aksioni i zhvilluar sot nga Dogana ka pasur për cak dy barnatore, njëra në lagjen “Kodra e Trimave” dhe tjetra në “Bregun e Diellit”, ku edhe janë gjetur një sasi e barnave pa panderola.