Orteku vret katër alpinistë në Himalajet indiane

Të paktën katër persona humbën jetën dhe 28 persona mbeten të zhdukur pasi një ortek goditi një grup alpinistësh në Himalajet indiane të martën.
Instituti i Alpinizmit Nehru tha se një ekip prej 34 trajnuesish dhe shtatë instruktorësh po stërviteshin në malin Draupadi ka Danda II në shtetin verior të Uttarakhand, kur u kapën nga një ortek rreth orës 08:45 të mëngjesit me kohën lokale.
Grupi po kthehej nga maja 5,670 metra, thuhet në deklaratë, përcjell rtv21.tv
Një operacion kërkimi dhe shpëtimi është duke vazhduar me ndihmën e forcave ajrore indiane dhe forcave shtetërore e kombëtare të reagimit ndaj fatkeqësive, thuhet tutje në deklaratën e Instutit, raporton BBC
“Thellësisht i shqetësuar nga humbja e jetëve të çmuara për shkak të rrëshqitjes së dheut që ka goditur ekspeditën alpinistike të kryer nga Instituti i Alpinizmit Nehru në Uttarkashi”, shkroi ministri i Mbrojtjes i Indisë, Rajnath Singh, në Twitter.
Vitin e kaluar, më shumë se 200 persona vdiqën pasi një pjesë e një akullnaje u shemb në Uttarakhand./21Media