Osmani: Investimi në arsim, prioritet i vazhdueshëm
Presidentja e Kosovës, Vjosa Osmani ka pritur sot në takim themeluesin e Fondit Kosovaro-Amerikan për Edukim (KAEF), Dale Pfeiffer dhe dhe bashkëkryesuesen e fondit, Jeta Zagraxha.
Osmani ka falënderuar Pfeiffer për mbështetjen që i ka dhënë dhe po i jep Kosovës ndër vite që nga koha ku ka qenë në krye të zyrës së USAID-it.
Investimi në arsim, sipas Osmanit është prioritet i vazhdueshëm. Sipas saj, arsimi duhet të shndërrohet në shtyllë të zhvillimit dhe punësimit.
Në këtë kontekst, Presidentja Osmani ka falënderuar SHBA-të për mbështetjen në sektorin e arsimit nëpërmjet USAID-it dhe programeve të tjera.
Që nga themelimi i KAEF-it, mbi 100 studentë kanë ndjekur studimet e tyre të masterit në Shtetet e Bashkuara përmes bursës./21Media
Lexim me zë
Dëshiron ta dëgjosh këtë lajm me zë?