Osmani jep detaje nga takimi me komandantin e KFOR-it

Presidentja e Kosovës Vjosa Osmani ka takuar sot komandantin e KFOR-it Ozkan Ulutash me të cilin ka diskutuar për sigurinë në vend.

Ajo në një postim në rrjetin X ka thënë se kanë diskutuar edhe mbi trajtimin e kërcënimeve të paqes dhe sigurisë në Kosovë dhe rajon.

“Takimi i mirë me komandantin e KFOR-it, gjeneralmajor Ozkan Ulutash. Diskutuam zhvillimet e fundit të sigurisë dhe përkushtimin tonë për të vazhduar bashkëpunimin tonë të ngushtë me KFOR-in dhe partnerët e tjerë ndërkombëtarë në trajtimin e kërcënimeve ndaj paqes dhe sigurisë në vendin tonë dhe rajon”, ka shkruar Osmani.