Osmani në prag të Krishlindjeve rikthehet në Kampin Bondsteel

Presidentja, Vjosa Osmani ka bërë të ditur se sot është rikthyer në Kampin Bondsteel në prag të Krishlindjeve, për drekën e përbashkët me ushtarët amerikanë dhe të shteteve të tjera që shërbejnë në Kosovë.
Osmani në një postim në ”Facebook”, ka theksuar se duke qenë se festat e fundvitit i gjejnë ata larg shtëpisë dhe larg familjeve të tyre, ajo ka qenë aty me qëllim që t’ju përcjellë miqësinë e mirënjohjen për kontributin e tyre.
”Të gjithë ushtarëve që shërbejnë në Kosovë, faleminderit dhe urime festat!”, ka shkruar Osmani./21Media