Osmani përkujton heroin Luan Haradinaj

Presidentja e Republikës së Kosovës, Vjosa Osmani, ka përkujtuar 25- vjetorin e rënies së heroit Luan Haradinaj, i cili ra heroikisht në kufirin me Shqipërinë.
“Luani dhe familja e tij u dëshmuan me angazhimin e tyre duke dhënë kontribut të jashtëzakonshëm në luftën tonë për çlirim. Emri i tij personifikon guximin dhe trimin me kauzë, i cili nuk kthehet mbrapshtë, duke u bërë theror për lirinë e popullit të vet. Heronjtë si Luani i dhanë kuptim lirisë sonë dhe i japin kuptim paqes, duke u bërë frymëzim për brezat se si duhet atdheu. Qoftë i përjetshëm kujtimi për Luanin dhe të gjithë dëshmorët e UÇK-së”, thuhet në përkujtimin e Presidentes Osmani për heroin Luan Haradinaj.
Luan Haradinaj ishte vrarë në njërën prej betejave të para të UÇK-së kundër forcave pushtuese serbe, më 6 maj të vitit 1997, në kufirin shqiptaro-shqiptar./21Media

Back to top button