Osmani: Rama shumë i ashpër ndaj Bullgarisë, fjalori krejtësisht jo diplomatik

Ministri i Punëve të Jashtme i Maqedonisë së Veriut, Bujar Osmani i ftuar në emisionin Click Plus, foli edhe për samitin që u mbajt pak ditë më parë në Ohër ku tha se qëndrimi i kryeministrit të Shqipërisë, Edi Rama ishte shumë i ashpër ndaj Bullgarisë dhe fjalori ishte krejtësisht jo diplomatik, por ai e tha qartazi se kjo është një padrejtësi që po i bëhet Maqedonisë me veton bullgare.
“Rama ishte shumë i ashpër ndaj Bullgarisë, me një fjalor krejtësisht jo diplomatik dhe e shqetësoj delegacionin bullgar atje duke thënë se ky është një turp çfarë po bën tani Bullgaria kundrejt nesh. Ai realisht këtë po e bën për ne. Edhe Shqipëria është viktimë i këtij konteksti, por ata janë më të drejtpërdrejtë. Ne i jemi falënderues kryeministrin Rama për mbështetjen që na dha gjatë samitit”, tha Osmani./21Media