Osmani takohet me Ramën, ”diskutime e koordinim në të mirë të Kosovës e Shqipërisë”

Presidentja e Kosovës, Vjosa Osmani, me ftesë të kryeministrit Edi Rama të Shqipërisë, sot ka marrë pjesë në samitin për Ukrainën në Tiranë.

Përveç në Samit, Osmani ka zhvilluar takim në zyrën e kryeministrit Rama, me të cilin tha se ka biseduar për koordinim në të mirën e të dyja vendeve.

“Sot në Tiranë në takim me Kryeministrin Rama! Diskutime e koordinim në të mirë të Kosovës e të Shqipërisë!”, shkruan Osmani, krahas fotos së publikuar nga ky takim.