Osmani uron Bidenin

 

U.D e presidentes, Vjosa Osmani pas inaugurimit të Joe Bidenit ka thënë se në krye të shtetit tonë aleat, Shteteve të Bashkuara të Amerikës, prej sot është miku i Kosovës.

Osmani e ka uruar Bidenin për marrjen e postit të presidentit të SHBA-ve përmes një postimi në rrjetet sociale.

“Në krye të shtetit tonë aleat, Shteteve të Bashkuara të Amerikës, prej sot është miku i Kosovës, presidenti Joe Biden. Në cilësinë e u.d. Presidentes, i uroj mbarësi në postin e presidentit të SHBA-ve, me besimin e fuqishëm se amerikanët kanë bërë zgjedhjen e duhur dhe se demokracia e këtij shteti do të vazhdojë të jetë referencë për gjithë globin”, ka shkruar ndër të tjera Osmani,

Ajo tutje ka shtuar se Amerika është sinonim i demokracisë dhe promovimit të vlerave. Sipas saj, raportet e shkëlqyeshme të Kosovës me SHBA-të, janë jo vetëm miqësore, por ekzistenciale.

Presidenti i ri i zgjedhur amerikan Joe Biden, sot është betuar si presidenti i 46-të i Shteteve të Bashkuara./21Media