“Pa Vend” triumfon në Trieste

1 min read

Filmi “Pa Vend” me regji të Samir Karahodës, ka shënuar një tjetër sukses të madh.

“Pa Vend” ka fituar çmimin “Filmi më i mirë i shkurtër” në Festivalin e Filmit në Trieste.

Lajmi u bë i ditur nga faqja zyrtare e “Pa Vend” në Facebook.

“Juria e garës së filmit të shkurtër, e përbërë nga Špela Čadež (regjisore, producente dhe animatore nga Slovenia), Wim Vanacker (anëtar i Komisionit Përzgjedhës të Konkursit të Filmit të Shkurtër në Festivalin e Filmit në Kanë) dhe Gerald Weber (zëvendës drejtor menaxhues i sixpackfilm – Vjenë) thanë që filmin e zgjodhën për këndvështrimin e tij origjinal”, thuhet në njoftim.

“Pa Vend” sjell rrëfimin e klubit më të suksesshëm të ping pongut nga Prizreni ‘Lidhja e Prizrenit’ duke rikrijuar historinë e protagonistëve nga paslufta në kontekstin e situatës së sotme./21Media