Papa Françesku apelon për çrrënjosjen e trafikimit të qenieve njerëzore

“Të nxjerren në pah të gjitha rastet e shfrytëzimit dhe skllavërisë moderne”

Kreu i Kishës Katolike u bëri thirrje të gjithë vendeve të botës që sot të çrrënjosin trafikimin njerëzor dhe të mbrojnë viktimat.

Duke iu drejtuar besimtarëve në Sheshin ‘Shën Pjetri’ në Vatikan, Papa Françesku po ashtu bëri thirrje që njerëzit të nxjerrin në pah të gjitha rastet e shfrytëzimit dhe skllavërisë moderne, të mos jenë indiferent ndaj vuajtjeve të viktimave dhe të përfshihen në luftën kundër këtij krimi, siç bëjnë shumë murgesha katolike.