Papa Françesku thotë se lufta është krim kundër njerëzimit

Papa Françesku i quajti të dielën të gjitha format e luftës një “krim kundër njerëzimit”, duke theksuar se lufta “nuk është mënyra për të zgjidhur” konfliktet.

“Lufta në vetvete është një krim kundër njerëzimit. Njerëzit kanë nevojë për paqe. Bota ka nevojë për paqe,” tha Françesku gjatë lutjes së tij të së dielës.

“Në fillim të vitit kemi shkëmbyer urime për paqe, por armët kanë vazhduar të vrasin dhe shkatërrojnë”, tha ai.

Papa u kërkoi “njerëzve që kanë pushtet mbi këto konflikte” të kuptojnë se lufta “nuk është mënyra për t’i zgjidhur ato”.

“Ne duhet të edukojmë për paqen. Duket se ne nuk jemi ende – i gjithë njerëzimi – me një arsim të mjaftueshëm për të ndaluar çdo luftë. Le të lutemi gjithmonë për këtë hir: të edukojmë për paqen,” tha ai.