Pas aksidentit me veturë, aktorja e njohur në gjendje kritike

Aktorja, Anne Heche është shtruar në spital dhe është në kujdesin intensiv pas aksidentit të rëndë me veturë në Los Angeles të premten dhe u përfshi nga flakët.
“Anne është në ICU, ajo është me fat që është gjallë. Ajo ka djegie të rënda dhe ka një rikuperim të gjatë përpara. Ekipi i saj dhe familja e saj janë ende duke u përpjekur të përpunojnë atë që çoi në incidentin e rëndë”, i tha CNN të shtunën një burim i afërt me Heche.
“Automjeti po udhëtonte me shpejtësi kur doli nga rruga dhe u përplas me një banesë”, tha të premten për CNN, Jeff Lee, oficeri i informacionit publik të policisë së Los Angeles.
Heche u dërgua në një spital lokal në gjendje kritike. Zjarrfikësve iu deshën më shumë se një orë për të “qasur, kufizuar dhe shuar plotësisht flakët brenda strukturës së dëmtuar rëndë”, tha LAFD.
Ajo qëndroi në spital që nga mbrëmja e së shtunës dhe natyra e plagëve i ka penguar oficerët ta intervistojnë atë.
Heche së pari fitoi famë në telenovelën “Një botë tjetër”, ku luajti rolin e dyfishtë të binjakëve Vicky Hudson dhe Marley Love nga 1987 deri në 1991 dhe fitoi një çmim Emmy Daytime.
Marrëdhënia e saj me Ellen DeGeneres në fund të viteve ’90 rezultoi në vëmendjen intensive të medias.
Heche është shfaqur në seriale të shumta televizive kohët e fundit, duke përfshirë “The Brave”, “Quantico” dhe “Chicago PD”.
Ajo ka disa projekte aktrimi aktualisht në postproduksion./21Media