Pas komenteve për luftën, anulohet koncerti i Waters në Ukrainë

Koncertet e planifikuara në Poloni nga bashkëthemeluesi i Pink Floyd, Roger Waters, janë anuluar pas komenteve për qëndrimin e muzikantit ndaj luftës në Ukrainë.
Promotori i koncertit, Live Nation Poland, konfirmoi anulimin, por nuk dha asnjë arsye për këtë.
Debati u shkaktua nga një letër e hapur që Waters i shkroi zonjës së parë të Ukrainës, Olena Zelenska.
Në të, tha ai, “nacionalistët ekstremë” në Ukrainë “e kanë vënë vendin tuaj në rrugën e kësaj lufte katastrofike”.
Ai akuzoi bashkëshortin e saj, presidentin ukrainas Volodymyr Zelensky, për dështimin e përmbushjes së premtimeve të fushatës zgjedhore për të sjellë paqe në rajonin e Donbasit dhe nuk përmendi përgjegjësinë e Rusisë për luftën.
Në përgjigje, zonja e parë shkroi në Twitter se ishte Rusia ajo që pushtoi Ukrainën dhe tani po shkatërronte qytetet e saj dhe po vriste civilë.
“Roger Waters, duhet të kërkosh paqe nga presidenti i një vendi tjetër”, ka shkruar ajo.
Letra e hapur e Water bëri që Łukasz Wantuch, një këshilltar i qytetit të Krakovit, t’i nxiste njerëzit të bojkotojnë koncertet.
Këshilltarët bashkiakë kanë hartuar një rezolutë për ta shpallur Waters persona non grata, që do të votohet në një seancë më 28 shtator.
“Duke marrë parasysh sulmin kriminal të Rusisë ndaj Ukrainës si dhe numrin në rritje të krimeve të luftës të kryera nga ushtarët rusë që po dalin në dritë, [këshilltarët] shprehin zemërim për tezat dhe deklaratat e bëra ngaRoger Waters në lidhje me pushtimin rus të Ukrainë”, thuhet në rezolutë.
Waters, aktualisht në turne në SHBA, u kthye në një postim tjetër në Facebook me titull “Hey Łukasz Wantuch, Leave them kids only”, duke iu referuar tekstit të këngës klasike të Pink Floyd, “Another Brick in the Wall”./21Media