Vizita e Pendarovskit shkakton kolona
(Lajm i përditësuar)
Vizita e Presidenti i Maqedonisë së Veriut, Stevo Pendarovski ka shkaktuar kolona të veturave në disa rrugë të Kosovës.
Pendarovski pritet që në ora 11:00 të takohet me Presidenten e Kosovës, Vjosa Osmani.
Pendarovski në Kosovë, do të ketë ndërprerje të përkohshme të qarkullimit në disa segmente rrugore
Presidenti i Maqedonisë së Veriut, Stevo Pendarovski sot do të qëndrojë për një vizitë zyrtare në Kosovë.
Policia e Kosovës bën të ditur se gjatë kësaj vizite do të kujdeset për ofrimin e sigurisë dhe mirëmbajtjen e rendit e qetësisë publike gjatë kohës së lëvizjes së eskortës dhe qëndrimit të delegacionit shtetëror në Kosovë.
“Për të mundësuar qarkullim të lirë të eskortës zyrtare nën përcjellje dhe sigurim sipas itinerarit të lëvizjes si dhe zhvillimin e aktiviteteve sipas agjendës së vizitës, Policia e Kosovës do të bëjë ndërprerje të përkohshme të qarkullimit të trafikut (në intervale të shkurta kohore) të disa segmenteve rrugore (ku pritet të kalojë eskorta) dhe në afërsi të objekteve shtetërore, ku do të ketë riorientim të trafikut në rrugë alternative, andaj Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik”, thuhet në njoftimin e Policisë./21Media