Pensionet dhe paga minimale do të rriten në Rusi

Presidenti Vladimir Putin ka njoftuar se pensionet shtetërore dhe paga minimale do të rriten ndjeshëm në Rusi nga 1 qershori.
Sipas agjencisë shtetërore të lajmeve TASS, Putin e bëri njoftimin në një takim të Këshillit Shtetëror.
“Ne e diskutuam këtë çështje me qeverinë për një kohë të gjatë, kishte mosmarrëveshje brenda qeverisë dhe u përpunua një zgjidhje”, tha Putin.
“Propozoj që nga 1 qershori të rriten me 10% pensionet e pensionistëve që nuk punojnë. Detyra jonë kryesore është të sigurojmë rritje të mëtejshme të pagës minimale, në mënyrë që niveli i të ardhurave të qytetarëve të tejkalojë ndjeshëm masën e normës së jetesës” shtoi ai, përcjell rtv21.tv
Pensionet u rritën me 8.6% në fillim të vitit, por inflacioni është rritur ndjeshëm këtë vit. Putin tha se aktualisht ishte 17.5%, por do të binte në 15% deri në fund të vitit. Megjithatë, ai mohoi se rritja e inflacionit ishte e lidhur me konfliktin në Ukrainë./21Media