Përfundoi takimi Hoti-Lajçak

 

I dërguari i posaçëm i Bashkimit Evropian për dialogun Prishtinë-Beograd, Miroslav Lajçak, sot takoi edhe kryeministrin në detyrë Avdullah Hoti.

Pas këtij takimi, nuk pati prononcime për media dhe të njëjtat nuk u lejuan as të marrin pamje.

Vizita e Lajçakut te Hoti ishte menjëherë pas asaj që pati me presidenten në detyrë, Vjosa Osmani dhe konferencës së përbashkët për media.

Lajçak mbërriti pasditen e djeshme në Prishtinë dhe të parin e takoi kryetarin e Lëvizjes Vetëvendosje, Albin Kurtin,  me të cilën diskutuan rreth dialogut Kosovë-Serbi.