Përfundon seanca e Kuvendit të Kosovës

Ka përfunduar seanca plenare e Kuvendit të Kosovës, ku në rendin e ditës ishin vetëm pyetjet parlamentare.

Të pranishëm në sallën plenare ishin vetëm disa ministra të kabinetit qeveritar dhe deputetë të legjislativit.

Deputetët opozitarë kritikuan ministrat për mos prezencën e tyre në seancë, derisa thanë se kjo është papërgjegjshmëri e tyre.

Në anën tjetër, ministrat e pranishëm nuk u përgjigjen në pyetjet parlamentare të deputetëve të PDK-së, siç thanë për shkak të mos votimit të marrëveshjeve ndërkombëtare.

Kjo nxiti që deputetët opozitarë të lëshojnë seancën plenare, derisa e njëjta për rreth një orë vazhdoi me prezencën e vetëm deputetëve të mazhorancës, të cilët parashtruan pyetje për ministrat e pranishëm.