Përmbytjet në Nigeri lanë të vdekur mbi 600 persona
Përmbytjet e fundit në Nigeri janë bërë një fatkeqësi “dërrmuese” dhe shumë vende nuk ishin përgatitur siç duhet për to, pavarësisht paralajmërimeve, tha ministri për menaxhimin e fatkeqësive.
Më shumë se 600 njerëz kanë vdekur në përmbytjet më të këqija që ka parë kombi i Afrikës Perëndimore në një dekadë.
Rreth 1.3 milionë njerëz janë zhvendosur dhe më shumë se 200 mijë shtëpi janë shkatërruar. Përmbytjet pritet të vazhdojnë deri në fund të nëntorit.
Nigeria është mësuar me përmbytjet sezonale, por ky vit ka qenë dukshëm më i keq se zakonisht.
Qeveria ka thënë se shirat jashtëzakonisht të dendur dhe ndryshimet klimatike janë fajtorë. Lëshimi urgjent i ujit të tepërt nga digat si në Nigeri ashtu edhe në Kamerunin fqinj ishte një tjetër faktor kyç që shkaktoi përmbytje shkatërruese, raporton BBC
Ekspertët thonë gjithashtu se planifikimi dhe infrastruktura e dobët e kanë përkeqësuar dëmin.
Që nga fillimi i përmbytjeve në fillim të verës, sipërfaqe të mëdha tokash bujqësore janë shkatërruar.
Ka shqetësime për përhapjen e shtuar të sëmundjeve, dhe furnizimet me ushqim dhe karburant janë ndërprerë gjithashtu.
Në një konferencë për shtyp të dielën, ministrja e Nigerisë për çështjet humanitare dhe menaxhimin e fatkeqësive, Sadiya Umar Farouk, u bëri thirrje autoriteteve lokale që të evakuojnë njerëzit që jetojnë në zonat me rrezik më të lartë.
Autoritetet tashmë po ofrojnë ushqim dhe mbështetje të tjera për të prekurit, tha ajo./21Media