Përplaset një autobus me një furgon të blinduar, 20 të vdekur

Një përplasje ballë për ballë mes një autobusi turistik dhe një furgoni të blinduar me para të gatshme ka marrë jetën e 20 personve dhe 68 të tjerë kanë mbetur të lënduar në Afrikën e Jugut.
Automjetet u përplasën në një urë autostrade dhe më pas autobusi u rrëzua në lumin poshtë.
“Tre persona u gjetën të vdekur buzë rrugës dhe 16 poshtë buzë lumit” tha kompania paramedikale ER24 .
“Shumica e viktimave poshtë lumit ishin bllokuar nën autobus”, shtoi ai.
Një person ka ndërruar jetë më vonë në spital.
Agjencia e lajmeve AFP raporton se zhytësit e policisë po kërkonin gjithashtu lumin që rrjedh përgjatë autostradës “për njerëz që mund të ishin rrëmbyer”.
Hetimet janë duke u zhvilluar për atë që shkaktoi përplasjen e së hënës në mbrëmje në autostradën N1 në Makhado në provincën Limpopo.
Ky rajon dhe të tjerët në Afrikën e Jugut kanë pësuar rrebeshe të mëdha dhe përmbytje, duke e shtyrë qeverinë të shpallë një fatkeqësi kombëtare.
Identiteti i viktimave të aksidentit ende nuk është bërë i ditur./21Media