Plagosen dy policë në Gjermani

Dy oficerë policie u plagosën rëndë gjatë një demonstrate sot në Essen, njoftuan autoritetet gjermane.

Sulmi ndodhi ndërsa policia po shoqëronte një politikan nga partia e ekstremit të djathtë të Gjermanisë për ta kaluar atë përmes një grupi protestuesish.

Dy oficerët u dërguan në spital, ndërsa shtatë të tjerë u lënduan lehtë. Sulmuesit arritën të shpëtojnë duke u përzier në turmë, por policia po shqyrton videot për t’i identifikuar.

Aktivistët tashmë ishin përpjekur të bllokonin rrugët mëngjesin e sotëm për të penguar delegatët të arrinin në vendin e kongresit të Alternativës për Gjermaninë (AfD) dhe kishte pasur disa përleshje me policinë.