Plagoset një person në Prishtinë, Policia jep detaje
Një person është therur me thikë sonte në rrugën “Zenel Salihu” në Prishtinë.
Lajmin për portalin rtv21.tv e ka konfirmuar zëdhënësi i Policisë për rajonin e Prishtinës, Agron Borovci.
“Sot rreth orës 21 :45, kemi marrë informatën se në rrugën ” Zenel Salihu” në Prishtinë, një person është sulmuar nga disa persona. Bazuar në të dhënat fillestare, në këtë rast nga një mjet i mprehtë është plagosur një person”, ka thënë Borovci.
Viktima është dërguar për tretman mjekësor. Ndërsa, Policia ka dalë në vendngjarje ndërkohë që ka nisur një hetim lidhur me rrethanat e këtij rasti./21Media
Lexim me zë
Dëshiron ta dëgjosh këtë lajm me zë?