Plagosja në Skenderaj, Policia: Dyshohet se dy persona të maskuar kanë hyrë në kafiteri dhe kanë shtënë me armë
(Lajm i përditësuar)
Një person vdiq e tre tjerë mbetën të plagosur mbrëmë në një kafiteri në Skenderaj, si pasojë të shtënave me armë zjarri.
Zëdhënësi i Policisë së Kosovës për Mitrovicë të jugut, Avni Zahiti për portalin rtv21.tv ka treguar se në vendin në vendin e ngjarjes janë gjetur dhe konfiskuar disa gëzhoja.
Sahiti tutje ka shtuar se nga hetimet e para dhe këqyrja e vendit të ngjarjes, dyshohet se dy persona të dyshuar e të maskuar kanë hyrë brenda në kafiteri kanë shtënë me armë dhe janë larguar në drejtim të panjohur.
Vritet një 39-vjeçar në Skenderaj, plagosen tre të tjerë
Një person ka vdekur dhe tre të tjerë janë lënduar si pasojë e të shtënave me armë zjarri në një lokal Runikë të Skenderajt mbrëmë pas mesnate.
Rastin për portalin rtv21.tv e konfrimoi zëdhënësi i Policisë së Kosovës për Mitrovicë të jugut, Avni Zahiti.
Sahiti ka treguar se të lënduarit janë dërguar në QKUK për tretman mjekësor.
Në cilësi të provave materiale në vendin e ngjarjes janë gjetur dhe konfiskuar disa gëzhoja.
“Rreth orës 01:21, të datës 10 gusht 2023, policia ka marrë informatën për të shtëna me armë zjarri në një kafiteri në fshatin Runikë të Skenderajt. Menjëherë në vendin e ngjarjes kanë dalë njësitet e nevojshme policore dhe ekipi mjekësor. Bazuar në hetimet fillestare, nga arma e zjarrit lëndime kanë pësuar katër persona, njëri nga të lënduarit viktima N. L., 39 vjeçar, ka ndërruar jetë në vendngjarje, ndërsa, tre persona të tjerë të lënduar ( po ashtu nga arma e zjarrit ) janë dërguar për tretman mjekësor në QKUK. Nga hetimet e para dhe këqyrja e vendit të ngjarjes, dyshohet se dy persona të dyshuar e të maskuar kanë hyrë brenda në kafiteri kanë shtënë me armë dhe janë larguar në drejtim të panjohur. Në cilësi të provave materiale në vendin e ngjarjes janë gjetur dhe konfiskuar disa gëzhoja. Gjitha veprimet e ndërmarra policore, janë udhëhequr nga prokurori i rastit i cili ka dalë në vend të ngjarjes ndërsa i njëjti ka autorizuar që trupi i pajetë i viktimës të dërgohet në Institutin e Mjekësisë Ligjore . Hetuesit e Sektorit Rajonal , janë duke punuar intensivisht për identifikimin dhe arrestimin e kryesit/ve të veprës si dhe zbardhjen e kësaj vepre penale”, ka thënë Sahiti.
Nga Klinika Emergjente kanë bërë të ditur se se personat e plagosur janë pranuar të mërkurën pas mesnatës në këtë klinikë, duke bërë të ditur se një nga ta është në gjendje më të rëndë./21Media