Plagosje me armë zjarri në Prizren, arrestohet një 21 vjeçar

 

Një person nga fshati Hoqë në Prizren sot është plagosur me armë zjarri.

Sipas Policisë viktima është plagosur në këmbë dhe sipas mjekut është jashtë rrezikut për jetë. Ndërsa i dyshuari është arrestuar.

“Pas marrjes se kësaj informate menjëherë njësitet policore kanë dal ne vendin e ngjarjes, po ashtu ne atë drejtim kishte shkuar edhe ekipi i urgjencës. Ku viktimës i është dhen ndihma mjekësorë dhe sipas mjekut viktima është jashtë rrezikut për jetë, i njëjti është i lënduar (plagosur) ne këmbën e majte. Pas marrjes se ndihmës mjekësorë viktima lirohet për ne shtëpi”, thuhet në njoftimin e Policisë.

Tutje Policia ka njoftuar se lidhur me rastin është arrestuar një 21 vjeçar i dyshuar për plagosjen e viktimës dhe është konfiskuar arma me të cilën dyshohet se ka plagosur viktimën.

“Lidhur me rastin hetuesit policor kanë dalë në vend të ngjarjes dhe i kanë ndërmarrin të gjitha veprimet hetimore. Vendi i ngjarjes është proceduar nga hetuesit e Forenzikës. Gjatë procedimit të vendit të ngjarjes janë gjetur dhe sekuestruar në cilësi të provave materiale; dy gëzhoja të pistoletës dhe një kaçavidë”, thuhet në njoftim.

I dyshuari është intervistuar në prezencë të avokatit mbrojtës, pas intervistës me vendim të Prokurorit të Shtetit i njëjti është dërguar në mbajtje për 48 orë. Rasti është duke u hetuar./21Media