​Policia kërkon ndihmën e qytetarëve për arrestimin e dy personave

Policia e Kosovës ka publikuar fotografi të dy personave të cilët po i kërkon për përfshirje në një rast të zjarrvënies, i cili ishte raportuar në fund të muajit mars në Prishtinë.

“Njësiti i hetimeve të stacionit Jugu në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personave të dyshuar që shihen në fotografi”, thuhet në njoftimin e Policisë.

Policia apelon qytetarët që për çdo informatë që mund të çojë në identifikimin e personave apo vendodhjes së tyre, të kontaktojnë në numrin: 192. /21Media