Portieri i ri i Interit përfshihet në një aksident automobilistik
Andre Onana u përfshi në një aksident të tmerrshëm automobilistik në Kamerun, i cili për fat të mirë nuk pati asnjë pasojë për portierin e ri të Interit.
25-vjeçari po shkonte në Douala për t’u bashkuar me ekipin e tij kombëtar përpara ndeshjeve të play-off-it të Kupës së Botës kundër Algjerisë. Automjeti i tij (Ranger Rover) u përplas me një makinë tjetër dhe për fat nuk pati pasoja për të dhe drejtuesin tjetër.
Një video që u bë virale në mediat sociale tregon Onanën duke folur me njerëz të tjerë në vendngjarje, duke konfirmuar se lojtari i Kamerunit nuk pati pasoja nga përplasja e tmerrshme me makinë që shkatërroi të dy automjetet e përfshira në aksident.
Onana do t’i bashkohet Interit si lojtar i lirë në verë në fund të kontratës së tij me Ajaxin. Ai përfundoi testet mjekësore me gjigantët e Series A në janar.
Interi ende nuk e ka konfirmuar nënshkrimin e tij, por marrëveshja ka përfunduar dhe lojtari do të kalojë në “Giuseppe Meazza në verë.
Dëshiron ta dëgjosh këtë lajm me zë?