OBSH kërkon armëpushim të menjëhershëm në Ukrainë

Kreu i Organizatës Botërore të Shëndetësisë, Tedros Adhanom Ghebreyesus i kërkon Këshillit të Sigurimit të Kombeve të Bashkuara të punojë drejt një armëpushimi urgjent në Ukrainë.

“Sikur të mos mjaftonte Covid, të kesh një luftë shkatërruese si kjo është e rrezikshme për botën,” i tha drejtori i përgjithshëm Tedros Adhanom Ghebreyesus organit 15 anëtarësh të enjten, shkruan BBC, përcjell rtv21.tv

OBSH ka verifikuar tani 43 sulme ndaj kujdesit shëndetësor brenda vendit të shkatërruar nga lufta, me të paktën 12 njerëz – duke përfshirë punonjës shëndetësorë – të vrarë dhe 34 të plagosur.

“Në çdo konflikt, sulmet ndaj kujdesit shëndetësor janë një shkelje e ligjit ndërkombëtar humanitar. Ata i privojnë njerëzit nga kujdesi i nevojshëm urgjent dhe thyejnë sistemet shëndetësore tashmë të tendosura.”, tha Dr Tedros.

Ai tha se sulmet kishin çuar tashmë në një ndërprerje të rëndë të shërbimeve shëndetësore dhe aksesit në mallrat bazë në Ukrainë dhe paralajmëroi se pasojat e tij “do të jehojnë për vitet ose dekadat në vijim”./21Media