OKB: Kontrabanda me njerëz – krimi mbetet i padënuar

Konflikti i armatosur “rrit rrezikun e kontrabandimit të njerëzve”

Trafikimi i njerëzve, burrave, grave dhe fëmijëve që janë viktima të krimit, janë ende të pandëshkuar në të gjithë botën, tregon një raport i Kombeve të Bashkuara.

Pavarësisht nga një tendencë e kohëve të fundit në rritjen e numrit të vendimeve të shpallura për dënimin e trafikimit të qenieve njerëzore në Afrikë dhe Lindjen e Mesme, “numri i përgjithshëm i vendimeve në këto fusha mbetet shumë i vogël”, thekson Zyra e OKB-së për Zhdukjen e Drogës dhe Krimit UNODC, me seli në Vjenë.

“Kontrabanduesit pothuajse nuk kërcënohen me dalje para gjykatave,” thuhet në dokument, në të cilin kërkohet forcimi i bashkëpunimit ndërkombëtar për të ndjekur penalisht rrjetet kriminale.

Raporti që ndjek të dhënat deri më 2016 thekson se në tridhjetë vjetët e fundit numri i vendeve në të cilat është zhvilluar konflikti i armatosur nuk ka qenë kurrë më i madh se ai vit.

Konflikti i armatosur “rrit rrezikun e kontrabandimit të njerëzve”, sepse shpesh shoqërohet nga një krizë e pushtetit, zhvendosje e detyruar e popullsisë, ndarje familjare dhe jo stabilitet ekonomik, thekson UNODC.

UNODC thekson se 70 për qind e viktimave të trafikimit janë gra, dhe 23 për qind e tyre janë nën moshën 18-vjeç.

Zyra nuk ofron një vlerësim të numrit të viktimave të trafikimit në botë. Numri i rasteve të identifikuara në vitin 2016 ishte pak më i ulët se 25.000, ose 10.000 më shumë se gjatë vitit 2011, me një “rritje më të theksuar në Amerikë dhe Azi”.

Ndryshe, raporti paralajmëron se rritja e numrit të personave të trafikuar mund të lidhet me identifikimin më efektiv, jo me rritjen e numrit të njerëzve që janë viktima të trafikimit.