Presidenti i Venezuelës bën thirrje për bisedime
Pas tri javësh protestash të tensionuara
Presidenti i Venezuelës Nicolas Maduro i ka bërë thirrje opozitës që të rifillojnë bisedimet.
Ai tha gjithashtu tha se ishte për mbajtjen e zgjedhjeve lokale në vend. Komentet e tij vijnë pas paralajmërimeve për mbajtjen e një tjetër proteste të hënën, pas tri javësh protestash të tensionuara në të gjithë vendin.
Demonstruesit kanë bërë thirrje për mbajtjen e zgjedhjeve presidenciale në vitin e ardhshëm dhe largimin e presidentit Maduro, shkruan BBC.
Negociatat e vitit të kaluar midis opozitës dhe qeverisë u prishën kur opozita akuzoi Maduron për shkelje të marrëveshjeve dhe përdorimin e bisedimeve për të përfituar kohë.
Duke folur të dielën, Maduro miratoi idenë e zgjedhjeve për kryetarët e komunave dhe guvernatorët e shtetit, por nuk përmendi votim në nivel presidencial.
“Zgjedhjet – po, tani dua zgjedhje,” tha ai.