Presidentja dekretoi 7 prokurorë me mandat fillestar

Presidentja Vjosa Osmani Sadriu, me propozimin e Këshillit Prokurorial të Kosovës sot ka dekretuar shtatë prokurorë.
Siç ka informuar Presidenca, prokurorët janë dekretuar me mandat fillestar për tri vjet, dhe do të sistemohen në Prokuroritë Themelore në Prishtinë, Pejë, Gjakovë dhe Ferizaj.
Në ceremoninë e betimit para Presidentes së vendit, prokurorët e rinj janë betuar se “do t’i qëndrojnë besnik Kushtetutës së Republikës së Kosovës, ligjeve në fuqi dhe do të respektoj rregullat e etikës profesionale”.
Ndërkaq, Presidentja Osmani ka theksuar se shteti ligjor dhe i së drejtës është parakusht për funksionimin e shtetit dhe shoqërisë, duke u bërë thirrje prokurorëve të rinj që në punën e tyre të jenë të pakompromis ndaj krimit e korrupsionit.
“Njëkohësisht, Presidentja ka theksuar se integriteti dhe profesionalizmi i prokurorëve janë elemente thelbësore për një sistem të drejtësisë që garanton barazi për të gjithë dhe besim qytetar.”, është bërë e ditur në komunikatë./21Media