Protesta masive në Izrael pasi Netanyahu shkarkoi ministrin

Dhjetëra mijëra izraelitë kanë dalë në rrugë për të protestuar kundër reformave të sistemit të drejtësisë në vend

Policia dhe ushtarët përdorën topa uji kundër protestuesve që u mblodhën jashtë shtëpisë së kryeministrit Benjamin Netanyahu në Jerusalem

Protestat e fundit pasuan shkarkimin e Ministrit të Mbrojtjes të Izraelit, Yoav Gallant, pasi ai foli kundër planeve.

Qeveria izraelite dëshiron të marrë kontrollin e plotë të komitetit që emëron gjyqtarët

Netanyahu thotë se ndryshimet janë të nevojshme për të ndaluar gjykatat të tejkalojnë kompetencat e tyre

Por kritikët thonë se reformat do ta ndihmojnë atë ndërsa përballet me një gjyq të vazhdueshëm për korrupsion

Presidenti i Izraelit, Isaac Herzog, i bëri thirrje qeverisë që të ndalojë reformat.

Në anën tjetër Kryeministri izraelit Benjamin Netanyahu do të bëjë një njoftim të rëndësishëm në orën e ardhshme, pasi spekulimet po shtohen se ai do të ndalojë procesin e diskutueshëm të reformës gjyqësore, sipas raporteve të mediave izraelite.

Është e paqartë saktësisht se çfarë do të propozojë, apo nëse hapat e tij do të kënaqin opozitën./21Media