Protestë, punëtorët teknikë të QMF-ve dhe disa shkollave të Prishtinës kërkojnë rritje pagash

Punëtorët teknik të Qendrave të Mjekësisë Familjare dhe disa shkollave të Prishtinës po protestojnë para Komunës së Prishtinës me kërkesën për rritjen e pagave. Ata po kërkojnë që paga e tyre të jetë 450 euro, dhe se në të kundërtën do te braktisin punën.

Kryetari i Sindikatës së Punëtorëve të Sektorit Privat, Jusuf Azemi tha se nuk po arrin të kenë dakordim me institucionet përkatëse, dhe për këtë arsye, sipas tij, duhet të protestojnë edhe në shi.

Ai theksoi se për dy vjet radhazi kanë bërë lutje për diskutim, por kërkesat e punëtorë nuk janë marrë parasysh.

Azemi tha se janë për dialog dhe do të takohen me nënkryetarin Alban Zogaj.

Teksa punëtorët teknik po vazhdojnë të qëndrojnë para Komunës së Prishtinës, Azemi po vazhdon takimin me nënkryetarin e kryeqytetit.