Putin dhe Lukashenko shmangin përmendjen e Ukrainës në samitin e Minskut

Presidenti rus, Vladimir Putin dhe ai i Bjellorusisë, Alexander Lukashenko shmangën përmendjen e Ukrainës në deklaratat e tyre publike në një samit në Minsk.
Në një fjalim të shkurtër, Putin tha se Bjellorusia ishte aleati më i afërt i Rusisë. Ai priste që tregtia mes dy vendeve të arrinte një rekord këtë vit, në ekuivalentin e 40 miliardë dollarëve.
Lukashenko tha se pavarësisht nga “disa tehe të ashpra” Bjellorusia dhe Rusia, gjejnë përgjigje për të gjitha kërcënimet; dhe u shpreh se Perëndimi do të “dëgjojë zërin e arsyes” në mënyrë që një dialog për sigurinë të mund të rifillojë.
Forcat ruse janë të vendosura në Bjellorusi dhe përdorën territorin e saj në pushtimin fillestar të Ukrainës në shkurt. Por Lukashenko ka bërë disa përpjekje për të siguruar që trupat e Bjellorusisë të mos përfshihen në “operacionin special ushtarak” të Rusisë.
Rusia gjithashtu ka avionë sulmues me bazë në Bjellorusi.
Lukashenko përmendi edhe marrëdhëniet ekonomike, duke thënë se “Falë punës së përbashkët, Rusia dhe Bjellorusia arritën të kapërcejnë pasojat e mundshme negative të presionit të sanksioneve”./21Media