Putin konfirmon vdekjen e Prigozhinit
Presidenti rus Vladimir Putin ka konfirmuar vdekjen e shefit të grupit mercenar Wagner, Yevgeny Prigozhin, duke e quajtur atë “një biznesmen të talentuar me një fat të vështirë”.
Në një takim në Kremlin, presidenti rus foli për herë të parë për rrëzimin e aeroplanit të biznesit të Prigozhin, duke u shprehur ngushëllime familjeve të 10 personave në bord.
Ai tha se Prigozhin ishte kthyer në Rusi nga Afrika të mërkurën dhe kishte takuar disa zyrtarë, pa specifikuar se cilët.
Putin tha se ai e njihte Prigozhin që nga fillimi i viteve 1990.
“Ai ishte një njeri me një fat të vështirë. Ai bëri disa gabime serioze në jetën e tij. Ai arriti rezultatet e nevojshme si për veten e tij ashtu edhe për një përpjekje të përbashkët për të cilën e kisha pyetur gjatë muajve të fundit”, tha Putin. Dukej se ai i referohej luftës në Ukrainë dhe ndoshta përpjekjeve të luftëtarëve të Wagner në qytetin e Bakhmut.
Putin premtoi një hetim të plotë. /21Media
Dëshiron ta dëgjosh këtë lajm me zë?