Putin: Nuk do të kemi nevojë të shtypim para

Presidenti rus, Vladimir Putin ka thënë se Perëndimi nuk do të ketë sukses në atë që ai e quajti përpjekjen e tij për të arritur dominimin global dhe për të copëtuar Rusinë, raporton Reuters.
Putin ka folur në një takim të qeverisë në televizion këtë mëngjes, duke thënë se nëse Perëndimi mendon se Rusia do të tërhiqet, atëherë nuk e kupton Rusinë, përcjell rtv21.tv
Ai ka folur gjithashtu për sanksionet e krijuara për të goditur ekonominë e Rusisë, ku tha se banka qendrore nuk ka nevojë të printojë para dhe vendi ka burime të mjaftueshme financiare.
“Ekonomia dhe biznesi ynë i kanë të gjitha burimet e nevojshme për të përmbushur të gjitha objektivat e vendosura, sfidat vetëm duhet të na mobilizojnë”, është shprehur Putin./21Media