Putin thirrje bizneseve që të punojnë në solidaritet me qeverinë

Presidenti rus Vladimir Putin, paralajmëroi liderët e biznesit të vendit se ai priste “kufizime” në ekonominë e Rusisë, por tha se Rusia kishte marrë një “masë të nevojshme” duke nisur një ofensivë ushtarake në shkallë të gjerë kundër Ukrainës.
“Ajo që doja të them së pari gjëja më e rëndësishme, kështu që të gjithë e kuptoni, ajo që po ndodh ishte një masë e nevojshme. Ata nuk na lanë asnjë shans për të vepruar ndryshe. Ata krijuan rreziqe të tilla në sferën e sigurisë sa ishte e pamundur të reagonim në një mënyrë tjetër. Të gjitha përpjekjet tona dolën në zero… Ata krijuan rreziqe të tilla sa është e vështirë të kuptosh se si mund të kishte vazhduar të ekzistonte vendi ynë”, tha Putin në fjalimin e tij që u transmetua në televizionin shtetëror.
Udhëheqësit e SHBA-së dhe Perëndimit kanë premtuar sanksione të ashpra, me ministrin e jashtëm ukrainas Dmytro Kuleba që i kërkon Perëndimit të ndalojë Rusinë nga sistemi i pagesave ndërkombëtare SWIFT, raporton CNN.
Putin vuri në dukje se Rusia mbeti pjesë e sistemit ekonomik global, por paralajmëroi për “kufizime” të mëtejshme ndaj ekonomisë së Rusisë dhe bëri thirrje që bizneset të punojnë në solidaritet me qeverinë, përcjellë rtv21.tv
“Më duket se partnerët tanë duhet ta kuptojnë këtë dhe të mos i vendosin vetes detyrën për të na larguar nga ky sistem”, tha Putin.
“Megjithatë, për arsye politike, këto kufizime do të ndodhin”, shtoi ai.
Presidenti i SHBA-ve, Joe Biden do të shpallë sanksione të tjera ndaj Rusisë sot./21Media