“Qeveria të ndajë nga 15 mijë euro edhe për punëtorët që vdiqën në vendet e punës”
Kërkesa e Kollçakut për Qeverinë
Deputetja e Lëvizjes Vetëvendosje, Fatmire Mulhaxha Kollçaku ka kërkuar nga Qeveria e Kosovës që të ndajë nga 15 mijë euro edhe për punëtorët që kanë vdekur në vendet e punës.
“Qeveria në emër të barazisë sociale (inekzistente), me urgjencë të merr vendim për ndarje të ndihmës materiale ( nga 15 000 euro), për të gjitha familjet e punëtorëve që humbën jetën në vend të punës, si pasojë e mosrespektimit të Ligjit për siguri dhe shëndet në punë nga ana e punëdhënësve.”, ka shkruar Kollçaku në Facebook.
Së fundi në mbledhjen e 29 janarit, Qeveria e Kosovës ka ndarë 15 mijë euro për familjen e ish-zëvendësministrit të diasporës, Arian Daci, i cili ka vdekur tragjikisht nga një ortek më 26 janar në Brezovicë./21Media