QKUK funksionalizon ambulancat për triazhim të pacientëve me COVID-19

Me qëllim të lehtësimit të qasjes dhe marrjes së shërbimeve mjekësore nga pacientët me koroanvirus, QKUK ka funksionalizuar ambulancat COVID-19, të cilat do të bëjnë triazhimin e pacientëve.
Sipas një komunikate për media, të gjithë pacientët e konfirmuar dhe ata të dyshuar për COVID-19, duhet të drejtohen fillimisht në ambulancat e triazhimit të rasteve COVID-19, të cilat ndodhen në objektin e ish-ambulancave specialistike në Klinikën e ORL-së dhe Oftalmologjisë.
Stafi mjekësor është i përbërë nga specialist infektologë, specialist pulmologë, dhe specializantë, e staf infermieror. Ambulancat ofrojnë kushte komode si për stafin ashtu edhe për pacientët dhe është e pajisur me të gjitha pajisjet e nevojshme mjekësore.
Po ashtu është zhvilluar edhe platforma elektronike e cila mundëson që në kohë reale të shihet numri i vendeve të lira në klinikat COVID-19 të QKUK-së.
Pas kontrollit nga mjeku specialist, pacientët sipas nevoje spitalizohen në klinikat COVID-19, përfundon komunikata e SHSKUK-së.